Тіл – халықтың жаны, әдебиет – рухының айнасы. Осы ұлы қазынаны зерделеп, келер ұрпаққа жеткізер жандарды даярлайтын ордамыз – Шымкент қаласындағы Орталық Азия Инновациялық университетінің «Тілдер және әдебиет» кафедрасы. Біз – тіл мен сөз өнерінің, білім мен ғылымның шырақшылары жетілетін алтын ұя.
Университет – Түркістан облысындағы көш басында тұрған оқу-ғылыми ордалардың бірі. Жоғары білікті профессор-оқытушылар құрамы, заманауи педагогикалық технологиялар мен халықаралық стандарттарға сай білім беру жүйесі – міне, біздің басты құндылықтарымыз. Білім алушыларымыз тек теориялық білім ғана емес, практикалық дағдыларды меңгеріп, еңбек нарығында сұранысқа ие маман болып шығады.
Білім беру бағдарламаларымыз:
6B01704 – Қазақ тілі мен әдебиеті
6B01702 – Орыс тілі мен әдебиеті мұғалімдерін даярлау
6B01705 – Шетел тілі: екі шетел тілі
6B02301 – Аударма ісі.
Сондай-ақ инновациялық білім кеңістігіне бағытталған IP бағдарламалар:
6В01711 – Орыс және орыс емес тілдерде оқытатын мектептердегі орыс тілі мен әдебиеті (IP)
6B01713 – Шетел тілдері (IP)
6В01712 – Ағылшын тілі (IP)
Ерекше назар аударарлық жайт – Өзбекстан Республикасы, Низами атындағы Өзбекстан Ұлттық педагогикалық университетімен бірлескен қос дипломды бағдарламамыз:
6B01707 – Қазақ тілі мен әдебиеті (IP)
Магистратурада үш бағыт бойынша терең ғылыми-педагогикалық дайындық аласыздар:
7M01701 – Қазақ тілі мен әдебиеті
7M01702 – Шетел тілі: екі шетел тілі
7M01703 – Орыс тілі мен әдебиеті
Магистратура бұл – ЖОО оқытушысы, ғалым-зерттеуші болудың, докторантураға өтудің алтын кілті.
Кафедраның аталған білім беру бағдарламалары бойынша білім алушыларды даярлаудағы мақсаты:
• жалпыадамзаттық және әлеуметтік-тұлғалық құндылықтарды қалыптастыру;
• мәдениетаралық және коммуникативтік құзыреттерді меңгеру;
• жалпы тіл білімі мен әдебиеттану саласындағы заманауи ғылыми тұжырымдамалар мен жетістіктер туралы ақпарат беру;
Білім беру бағдарламалары бойынша кәсіптік білімі бар мамандарды даярлау, педагогикалық процесті сапалы ұйымдастыру және басқару дағдыларын меңгеру;
Білім алушыларға дүниетаным, өмірдің ғылыми және философиялық негіздері, руханият пен ұлттық сананың мәні туралы терең білім беру.
Міндеттері:
• жалпы тіл білімі мен әдебиеттанудың заманауи ғылыми тұжырымдамалары мен жетістіктерін, тіл мен әдебиетті оқытудың әдістемелік мәселелерін терең зерттеу;
• аталған білім беру бағдарламалары бойынша мамандарды даярлауда ғылыми-теориялық инновациялық әдістерді қолдану;
• жоғары әлеуметтік және азаматтық жауапкершілігі бар және ғылыми-педагогикалық қызметті жүзеге асыруға қабілетті болашақ мамандарда әлеуметтік-мәдени, лингвокоммуникациялық, экономикалық, жаратылыстану-математикалық, кәсіби, іргелі, көптілді, инновациялық – негізгі және арнайы құзыреттерді қалыптастыру;
• оқу процесінде болашақ мамандардың тілдік құзыреттілігін қалыптастыруға ықпал ететін үштілді білім беруді пайдалану;
• болашақ мамандардың педагогикалық және психологиялық құзыреттілігін дамыту;
• магистратура мен докторантурада оқуды жалғастыру үшін қажетті дайындық, ғылыми-зерттеу жұмыстарын жүргізе білу.
Алдарыңызда ашық мүмкіндіктер
Біздің түлектеріміз – мектептер мен гимназиялардағы шебер мұғалімдер, жоғары оқу орындарындағы құрметті оқытушылар, халықаралық ұйымдар мен дипломатиялық қызметтегі аудармашы-тілмаштар, баспалар мен редакцияларда қызмет ететін филологтар. Сіз де осы жарқын болашақтың бір бөлшегі болуға лайықсыз!
Заманауи аудиториялар, жабдықталған лабораториялар, мектептерде өндірістік практика, ғылыми-зерттеу жұмыстарына белсенді қатысу, білім беру гранттары мен стипендиялар, жұмысқа орналасуға көмек – бәрі де сіздер үшін!
Болашағыңызды өзіңіз жазыңыз!
Егер жүрегіңіз тіл мен әдебиет сүйіп, халықаралық деңгейде қызмет етуді армандасаңыз, қос диплом алып, әлем елдерінде танылғыңыз келсе – біздің кафедра сіздің дұрыс жолыңыз. Мұнда сіз тек білім ғана емес, өмірлік тәжірибе, достар мен ұстаздар табасыз. Мұнда әр студент – болашақ жұлдыз, әр түлек – мамандығының шебері.
Орталық Азия Инновациялық университеті – сапалы білім мен жарқын болашақтың кепілі!
Біздің мекен-жайымыз:
Шымкент қаласы, Байтұрсынов көшесі №80
Орталық Азия Инновациялық университеті
«Педагогика және Тілдер» факультеті
«Тілдер және әдебиет» кафедрасы
Біз сіздерді асыға күтеміз!
