Қазіргі таңда адамдар туризмге оң көзқарас қалыптастырып келеді. Яғни жергілікті тұрғындар болсын, шетелдіктер болсын жылына бір, екі рет демалуды әдетке айналдыруда. Бұл өз кезегінде еліміздің туризмін дамытуға септігін тигізуде. Әсіресе сұлу табиғатымен ерекшеленетін Төлеби ауданына аяқ басатын саяхатшылар көп-ақ. Сұраныс бар жерде даму бар дегендей соңғы жылдары ауданда туристік нысандардың қатары көбеюде. 

 Солардың бірі, қысы-жазы қонағы үзілмейтін демалыс орны – «Көксәйек». Демалыс аймағы келушілерді жайлы орындарымен қатар жеміс бағымен таңқалдырып келеді. Ия, мұнда жаздың күндері келсеңіз үлкен бауды аралап, онда алма, алмұрт, шие, айва, алша, қара өрік тіпті,   жүзімнен дәм татуыңызға болады. 

Сондай-ақ мұнда коттедж, жазғы тапшандар, монша, сауна,  бассейн бар. Кез-келген тағамыңызды әзірлеуге арналған ыңғайлы асханада кәуаптан бастап, қуырдаққа дейін дайындауға  мүмкіндік  қарастырылған.  Нысанның жанынан ағып өтетін Сайрам суды да көзбен көріп, шомылуға болады. Отбасыңызбен, достарыңызбен, туыстарыңызбен немесе әріптестеріңізбен  уақытты қызықты өткізуге лайықты мекен. Бағалары да қолжетімді.