Жаңа туристік нысандарды салудан бөлек келушілерге заманауи тәсілде қызмет көрсету қолға алынуда.    

Соның бір дәлелі, Қожа Ахмет Ясауи кесенесіне келушілер үшін кіру билеттерін сайт арқылы онлайн сатып алу және кесене аумағында орналасқан терминалдар аркылы билеттер алып, турникеттерге QR-код скан арқылы кіру мүмкіндігі енгізілді. Жаңа жүйені алғашқы болып облыс басшысы Өмірзақ Шөкеев сынақтан өткізді.

Туристер үшін жасалған жаңа мүмкіндік «Цифрлық Қазақстан» мемлекеттік бағдарламасы аясында Мәдениет және спорт министрлігімен келісе отырып жүзеге асқан. Сонымен қатар, Елбасының 2020 жылды «Еріктілер жылы» атауына байланысты «Ask Me, І am local» жобасы іске қосылды. Жобаға қатысушы еріктілер келуші қонақтар мен туристерге гид – нұсқаушы қызметтерін көрсетеді. Жобаның мақсаты - келген туристерді сапалы, тексерілген ақпаратпен қамтамасыз ету және студент жастардың алдағы уақытта туризм саласында жұмыс жасауын ынталандыру. Әрқайсысы бірнеше тілді меңгерген жастар қонақтарды біркелкі электрлік «самокатпен» қарсы алады. Бұл жобаға 20 ерікті жұмылдырылған. Алдағы уақытта олардың санын арттыру жоспарлануда. Бұл өз кезегінде, Әзірет Сұлтан кесенесіне кіру билеттерін сайт арқылы (pay.azretsultan.kz) онлайн және кесене аумағында орналасқан терминалдар аркылы сатып алуға мүмкіндік береді. Сондай-ақ, турист билеттерді туриникеттерге QR-кодын скан жасап кесенеге кіре алады. Сонымен қатар, келушілердің санын бақылау бойынша толық сараптама жүргізу үшін камералар орнатылды. Мұның барлығы келген туристердің санағын жүргізуге, олардың туристік объектіні көрудегі эмоциясын бақылауға мүмкіндік береді.

Рейтинг газеті