Мемлекет басшысы Қасым-Жомарт Тоқаев Шавкат Мирзиёевті Алматы әуежайынан құрмет көрсетіп шығарып салды. Бұл туралы Ақорданың баспасөз қызметі хабарлады. 

Айта кетелік Шавкат Мирзиёев бейресми кездесу өткізу үшін Қазақстанға жұмыс сапарымен келген еді.

Президент пен Шавкат Мирзиёев Алматы тау шаңғысы кластерімен танысты.

Қала әкімі Ерболат Досаев президенттерге Іле Алатауының асқаралы шыңдарын көрсетіп, Кіші Алматы шатқалындағы «Медеу» селден қорғау бөгетін салу тарихы жөнінде айтты.

Қасым-Жомарт Тоқаев пен Шавкат Мирзиёев «Медеу» мұз айдынын аралап көріп, тау шатқалында орналасқан бірегей нысанның тарихынан сыр шертетін фотокөрмемен танысты. 

Қасым-Жомарт Тоқаев пен Шавкат Мирзиёев AlmatyFairai көрмесіне барды. 

Қасым-Жомарт Тоқаев пен Шавкат Мирзиёев Әбілхан Қастеев атындағы Ұлттық өнер музейіне барып, Қастеев пен Таңсықбаевтың туындыларын тамашалады.