Түркістан облысы Кәсіпкерлер палатасы жанынан құралған «қарапайым заттар экономикасы» жобалық кеңсесінде қазіргі таңда 44 млрд 206 млн. теңге сомаға 100-ден астам жоба бар, оның ішінде екінші деңгейлі банктерде 5 жоба қарастырылуда. Халық банкі 7 миллиард теңге тұратын бір жобаны мақұлдаған. Ол - Түркістан қаласындағы қонақ үйдің құрылысы.

  Жақында Түркістанда облыс әкімінің орынбасары Мейіржан Мырзалиевтің қатысуымен облыстық Кәсіпкерлер палатасында «қарапайым заттардың экономикасы» жүйесінің салаларын дамыту бойынша аймақтық жобалық алқаның отырысы өтті. Кездесу барысында Кәсіпкерлер палатасының директоры Дінмұхамед Әбсаттаров жоба кеңсесінің мүшелерін аймақтағы жеңілдетілген несие бағдарламаларын жүзеге асыруымен таныстырды.

Палатаның сарапшылары кәсіпкерлердің өтініші бойынша экономиканың басым секторларына ену үшін салаларға талдау жүргізген. Тиісті ұсыныстар салалық министрліктермен келісілді. Осылайша, «қарапайым заттар экономикасы» бағдарламасының басым бағыттары экономиканың 6 секторын қамтыды. Сондай-ақ кәсіпкерлердің жеңілдікті кезеңге қатысты өтініштері, пайыздық мөлшерлемені төмендету және Үкіметке ұсынылған ұсыныстардың болмауына кепілдік беру туралы өтініштер қаралды. Бұдан басқа, қалада «қарапайым заттардың экономикасы» бағдарламасын жарыққа шығару бойынша ақпараттық-түсіндіру жұмыстарын белсенді жүргізіп келеді.