Төлеби ауданында туризм бағытында 2023 жылы құны 2 201,7 миллион теңгені құрайтын 7 ірі инвестициялық жоба іске асырылып, 44 адам тұрақты жұмыспен қамтылды. Атап айтқанда:  Қасқасу ауылдық округінен  құны 200 миллион теңгені құрайтын «Кіші Европа» демалыс аймағы ашылып, 4 адам тұрақты жұмыспен қамтылды. Алатау ауылдық округінен жеке кәсіпкер «Файзиева Г.» құны 800 миллион теңгені құрайтын 11 коттедж, 1 бассейн, 1 қонақ үй құрылысын жүргізіп, 6 адам тұрақты жұмыспен қамтылды. Ал Алатау ауылдық округінен жеке кәсіпкер «Наралиев Т.» құны 500 миллион теңгені құрайтын қонақ үй мен мейрамхана құрылысын жүргізіп, 5 адам тұрақты жұмыспен қамтылса, Алатау ауылдық округінен жеке кәсіпкер «Юнусов А.» құны 150 млн теңгені құрайтын қонақ үй құрылысын жүргізіп, 3 адам тұрақты жұмыспен қамтылды. 

Сондай-ақ Қоғалы ауылдық округінен жеке кәсіпкер «Абилдаев Н.» құны 50 млн теңгені құрайтын саумалымен сауықтыру орталығын ашып, 6 адам тұрақты жұмыспен қамтылды. Зертас ауылдық округінен жеке кәсіпкер «Қожамжарова К.» құны 150 миллион теңгені құрайтын саумалымен сауықтыру орталығын ашып, 10 адам тұрақты жұмыспен қамтылды. Келесі нысан Бірінші Мамыр ауылдық округінен жеке кәсіпкер «Ысқақов Қ.» құны 351,7 миллион теңгені құрайтын демалыс аймағын ашып, 10 адам тұрақты жұмыспен қамтылды.