Дін – қазіргі таңда қоғамның ең өзекті мәселелерінің бірі болып тұр. Жастарымыз ислами білімді ҚМДБ-на қарасты мешіттердегі имам немесе діни білім беретін оқу орындарынан алмайтыны өкінішті. Жастарымыз ислам ілімі жайлы ғаламтордан оқиды. Жасыратыны жоқ, онда дәстүрлі емес жат ағымдардың саны өте көп. Кейінгі кезде қоғамда исламды жамылып пайда болған теріс ағымдардың көбеюі өзекті мәселеге айналды.

Жақында Кентау қаласында жастармен кездескен Республикалық АТТ мүшесі, дінтанушы Арман Қуанышбаев жастарды кез келген ақпаратқа сеніп, оны алудан аулақ болуға шақырды. 

- «Соқыр тауыққа барлығы жем» демекші кез-келген ақпаратқа жүгіне беруге болмайды. Әсіресе, діни мәліметтер мен ақпараттарды міндетті түрде арнайы көздерден алу керек. Әлеуметтік желіге кірсеңізде, ютуб канал болса да муфтияттың арнайы ашқан парақшаларынан, сайттарынан тұтыныңыздар деді дінтанушы.

Сондай, Әбу-Ханифа мазхабы жайында айтып, жастардың сұрақтарына кең көлемде жауап берді.