Сыбайлас жемқорлықтың алдын алу үшін өткізіліп жатқан ауқымды іс-шараның бірі «Адал жол» эстафеталық марафоны. Өткекн аптадан бастап бұл шара Ордабасы ауданында өтіп жатыр. Осы эстафеталық марафон аясында аудандық әкімшілік ғимаратында "Сыбайлас жемқорлыққа жол жоқ!" деген тақырыппен семинары өтті. Еңбек ардагерлері, мемлекеттік қызметкерлер және жастар қатысқан бұл басқосуды аудан әкімі аппараты басшысының міндетін қоса атқарушы Әділ Ысқақ ашып,  жүргізіп отырды. Аудан әкімі аппаратының персоналды басқару (кадр қызметі) бөлімінің басшысы Зүлфия Сыздық, аудандық Жастар орталығының директоры Мұрат Сайлыбаев, "Нұр Отан" партиясы аудандық филиалының сыбайлас жемқорлыққа қарсы күрес қоғамдық кеңесінің төрайымы, аудандық мәслихат депутаты Замира Маханова сөз алып, сыбайластықтың зардаптары жайын жан-жақты талдап берді. Сонымен қатар, баяндамашылар Қазақстан Республикасы Заңдарымен көзделген құқықтық жауапкершілік жөнінде де айтып өтті. 

Басқосу барысында жастар аға буын өкілдеріне сұрақтарын қойып, ұсыныс-тілектерін ортаға салды. Еркін пікірсайыс форматында өткен жиында әсіресе жас мамандардың белсенділігі басым болды.