Ішкі саясат және дене шынықтыру және спорт бөлімінің ұйымдастыруымен Ораза айт мерекесіне орай Арыс қаласы аумағындағы мешіт жамағаттары арасында кіші футболдан жарыс өтті.
Футболдан жарысты ұйымдастырудағы мақсат - өскелең ұрпақ арасында салауатты өмір салтын насихаттау, жастарды ішімдік пен нашақорлыққа қарсы баулу, ұлтымыздың арқа сүйер нағыз патриоттарын тәрбиелеу, сондай-ақ, олардың арасындағы достық қарым-қатынасты нығайту болып табылады. 
Мешітке келіп уағыз тыңдайтын жамағаттың арасында спорттық жарыстың ұйымдастырылуы еліміздің зайырлы қоғам екені, ата-баба дәстүрін берік ұстанантынын байқатады. 
Аталған жарысқа қала және ауылдық округтерден келген 12 команда қатысты. 
Тартысты әрі қызықты өткен бәсекенің қорытындысы бойынша орталық «Ысқақ» мешітінің құрама командасы – І-орын, «Бекзат ата» мешітінің құрама командасы – ІІ-орын, «Әкімқары» мешітінің құрама командасы – ІІІ-орынды өзара бөлісті. Жарысқа қатысушылар Алғыс хаттар және бағалы сыйлықтармен марапатталды.
Ұйымдастырушылар мұндай жарыстар алдағы уақытта да жалғасын табатын болатынын жеткізді.