Қытайдың Хэфэй қаласында тұрғындар саны алғаш рет 10 миллионнан асты. Бұл жайлы Lianhe Zaobao басылымы хабарлады. 

10 наурыз күні Қытайдың Аньхой провинциясының статистика бюросы өлкенің 2024 жылғы халық саны жайлы жаңа мәліметтерді жариялады.

Ресми деректерге сәйкес, 2024 жылдың соңына қарай Аньхой провинциясында тұрақты халқы саны 61,23 миллион адамға жетіп, өткен жылмен салыстырғанда 20 мың адамға көбейіп, 0,03%-ға өскен.

Провинциядағы туу коэффициенті – 6,17‰, өлім коэффициенті – 8,41‰, табиғи өсім көрсеткіші – -2,24‰ болған.

Провинция орталығы Хэфэйдің тұрақты тұрғындарының саны 10.002 миллион адамға жеткен. Осылайша, қала тарихында халық саны алғаш рет 10 миллиондық межені бағындырып отыр.

Хэфэй — Қытайда халқ саны 10 миллионнан асқан 18-ші қала.

Ресми статистика сәйкес, 2024 жылдың қорытындысы бойынша Қытайда халқы 10 миллионнан асатын 17 қала бар: Чунцин, Шанхай, Бейжің, Чэнду, Гуанчжоу, Шэньчжэнь, Ухань, Тяньцзинь, Сиань, Сучжоу, Чжэнчжоу, Ханчжоу, Шицзячжуан, Линьи, Дунгуань, Чанша және Циндао.