Ауыл-ауылды аралап, елдің тыныс-тіршілігімен танысу – халық қалаулысының міндеті. Ол халықтың мұң-мұқтажын тыңдап, оны шешу жолдарын қарастырғаны абзал. Депутаты – халық пен биліктің арасындағы алтын көпір десек болады. Мемлекет басшысы да партия құрып, депутаттарға халықпен тығыз қарым-қатынаста болу керектігін міндеттеген болатын.

Осыған орай, бүгін Қазақстан Республикасы Парламенті Мәжілісінің депутаттары, "Нұр Отан" партиясы фракциясының мүшелері Уәлихан Қайназаров пен Дархан Мыңбай жұмыс сапарымен Ордабасы ауданына ат басын бұрды. Алдымен депутаттар "Нұр Отан" партиясы Ордабасы аудандық филиалының ғимаратында ауданның еңбек ардагерлерімен кездесіп, Елбасы Нұрсұлтан Назарбаевтың "Бес әлеуметтік бастамасынан" туындайтын міндеттер жөнінде сөз қозғады, ауылшаруашылық, білім салаларын жетілдіру бойынша ұсыныстар тыңдап, көпшілікпен пікірлесті. 

Сондай-ақ, халық қалаулылары Бөген ауылындағы "Ордабасы Агро" және Төрткүл ауылындағы "Рамазан Агро" ауыл шаруашылығы өндірістік кооперативтерінің жұмысымен танысып, кооператив мүшелерімен жүздесті. 

Аудан әкімінің міндетін уақытша атқарушы Ғалымжан Үсенбаев, аудандық мәслихаттың хатшысы Баймахан Сәдуахасов аудандағы атқарылған жұмыстармен қатар, өзекті мәселелер жайын қозғап, депутаттарға ұсыныстарын жеткізді. Шаруалардың да айтары бар екен. Субсидия, жанар-жағар май, тік дренаждарды іске қосу мен каналдардың жұмысына қатысты сұрақтарын қойып, өтініш-тілектерін ай