Мемлекеттік қызмет істері агенттігінің Түркістан облысы бойынша департаментінің бастамасымен мемлекеттік көрсетілетін қызметтердің сапасын арттыру мақсатында бекітілген іс-шара жоспарына сәйкес, «Атамекен-Қазақстан» қандастарға арналған қоғамдық қордың басшысы Ж.Искакова мен Сарыағаш ауданы әкімі аппаратының ақпараттандыру және мемлекеттік қызмет көрсету мониторингі бөлімшесінің бас маманы Г.Калимбетова Сарыағаш аудандық халықты жұмыспен қамту орталығының мемлекеттік қызмет көрсету сапасына қоғамдық бақылау жұмыстарын жүргізді. Бұл туралы Сарыағаш ауданы әкімдігінің баспасөз қызметі хабарлады.  

Қоғамдық бақылау барысында мүмкіндігі шектеулі азаматтар үшін мекеменің ғимаратына кіруге қолайлы жағдай жасалған, яғни арнайы шақырту батырмасы бар пандус орнатылған.

Мекемеге келген қызмет алушылардың «өзіне-өзі қызмет көрсету бұрыштары» арқылы электронды түрде алып жатқаны анықталды. Бұл өз кезегінде халық арасында қызметтерді электронды нысанда алу жөнінде насихаттау жұмыстарының үздіксіз жүргізілуінің нәтижесінде электронды түрде қызмет алу үлесінің өсуіне ықпал етуде.

Аталған іс-шара барысында карантин талаптары сақталғандығы анықталып, қызмет көрсету сапасына қатысты өзекті мәселелер талқыланды және нәтижесімен мекеме басшысына тиісті ұсыныстар берілді.

Жұмыс тобының мүшелері тарапынан алдағы уақытта да мемлекеттік қызмет көрсетуші мекемелерге тұрақты түрде қоғамдық бақылау жұмыстары жүргізілетін болады.