Сарыағаш ауданында «Түнгі қаладағы балалар» рейді өтті. Рейд барысында кәмелеттік жасқа толмаған балаларға түсіндіру жұмыстары жүргізілді.

Сарыағаш ауданы полиция бөлімінің ЖПҚ ЮПТ-ның инспекторлары және жастар ресурстық орталығының қызметкерлері бірлесіп Сарығаш ауданы аумағында түнгі рейд жұмыстарын жүргізді.

Түнгі рейд шарасының басты мақсаты - өңірдегі жасөспірімдер арасында орын алатын құқық бұзушылықтың алдын-алу, кәмелеттік жасқа толмаған жасөспірімдердің қауіпсіздігін, балалар құқығының қорғалуын қамтамасыз ету.
Түнгі рейд барысында кәмелет жасқа толмаған жасөспірімдер анықталды. Нәтижесінде, құқық қорғау қызметкерлері тарапынан тиісті хаттамалар толтырылып, ата-аналарына ескерту жасалды.

Тәртіп сақшылары балалардың түнде жүруі қылмысқа жетелейтінін айтады. Сондықтан кәмелетке толмағандарды қадағалау қажет. Егер баласы бір емес екінші рет түнде ұсталса, ата-ана 34 000 теңге айыппұл төлейді.