Шымкент қаласының әкімі Мұрат Әйтеновтің төрағалығымен «Тұран» шағынауданын дамыту бойынша жиын өтті. Жиында шағынаудандағы көпқабатты тұрғын үйлердің құрылыс барысы, абаттандыру, инфрақұрылым тарту мәселелері талқыланды. 

Қалада 2021 жылы «Нұрлы жер» мемлекеттік бағдарламасы аясында 79 көпқабатты тұрғын үйдің (287,1 мың шаршы метр) құрылысын жүргізу жоспарланған. Оның ішінде: арендалық – 18 үй (1224 пәтер), кредиттік 61 үй (3608 пәтер). 

Тұран шағынауданында ағымдағы жылы 61 тұрғын үйдің құрылысын (49 үй кредиттік, 12 үй арендалық) жүргізу жоспарланған. Қазіргі таңда 57 үйдің құрылысы атқарылуда. Шағынауданда биыл 29 кредиттік тұрғын үй пайдалануға беріледі. Атап айтқанда шілде айында 9 қабатты үш тұрғын үйдің құрылысы аяқталса, бірінші  тамызда 12 қабатты екі тұрғын үй пайдалануға тапсырылған.

Шағынауданда 12 қабатты он үйдің құрылыс жұмыстарына жауапты мердігер мекемелер – «Отау-Строй» ЖШС мен «АРТ-құрылыс» ЖШС. Бүгінгі таңда тұрғын үйлердің монолит қабырғалары 100 пайыз, газоблок қалау 100 пайыз, ішкі әрлеу жұмыстары 90 пайыз, инженерлік жүйелер 90 пайыз жұмыстары орындалды. №5,7 үйлер 30 шілде күні пайдалануға тапсырылды. № 9 үй 30 тамызда, №11,13,15,17,19,46,47 үйлерді 30 қыркүйекте пайдалануға тапсыру жоспарланған.

Сондай-ақ, 12 қабатты бес үйдің құрылыс жұмыстарын «Авторемстрой ЛТД» ЖШС, 12 қабатты екі үйдің құрылыс жұмыстарын «СК Реал-Строй» ЖШС, 9 қабатты үш  үйдің құрылыс жұмыстарын «Шебер бюлдинг» ЖШС жүргізуде. 

12 арендалық тұрғын үйдің құрылысын «Корпорация Сити-Строй» ЖШС (№1,2,№24,25,26,27 үйлер) мен «Отау-Строй» ЖШС (№3,4, №20,21,22,23 үйлер) жүзеге асыруда.