Түркістан облысында барлық мәселе халық санына байланысты

Қысқаша

Түркістан облысында барлық мәселе халық санына байланысты



Түркістан облысының әкімі Өмірзақ Шөкеев ұлттық халық санағына жауапкершілікпен қарап, жұдырықтай жұмылуға шақырды. Ол он жылда бір оралатын аса жауапты науқанға белсенді түрде атсалысудың маңыздылығын айтты.  

image.png

– Ұлттық халық санағы – өте маңызды науқан. Сондықтан бұл бағыттағы жұмыстарды ширату қажет. Барлық мәселе халықтың санына байланысты, – деді Өмірзақ Шөкеев. 

Облыс әкімінің төрағалығымен өткен аппарат отырысында Түркістан облысы халқының ұлттық санағын өткізу жұмыстарының барысы баяндалды. 

Соңғы тәулікте Түркістан облысында 118 мың 112 респондент онлайн санақтан өтті. Соның ішінде, бірқатар аудандар белсенділік танытты. Ұлттық халық санығына қатысушылар арасында алғашқы орында Сайрам ауданының тұрғындары аса белсенді. Бір тәуліктің ішінде 23 мыңға жуық сайрамдық ұлттық санақтан өтіп, сауалдарға жауап берген. Қазығұрт ауданында – 14 мың 711 адам, Ордабасында ауданы – 12 мың 191 адам. Түлкібас ауданында 9085 адам онлайн режимде санақтан өткен. 

Биылғы санақ өзгелерінен ерекше, яғни Цифрлық Қазақстан мемлекеттік бағдарламасын іске асыру аясында 2021 жылғы 1 қыркүйектен бастап 15 қазан аралығындағы кезеңде интернет желісі арқылы sanaq.gov.kz мамындырылған сайтында тәулігіне 24 сағат бойы онлайн режимде өтуде. 

Айта кетейік, Қазақстан Республикасында 2021 жылғы 1 қыркүйектен бастап 30 қазан аралығында Қазақстан Республикасы халқының кезекті ұлттық санағы өткізілуде. Жалпыұлттық маңызды шараның мемлекет үшін үлкен әлеуметтік-экономикалық мәні бар. Халық санағы Қазақстандағы түгел жұртты, елден тыс жүрген республика азаматтарының барлығын қамтиды. 

    A+
Уақыты: 2021-09-20  Айдарша: Өңір
TAG: