Журналистер көшет екті

Қысқаша

Қаланы көріктендіруге келген қаламгерлер жаңа аллеяны «Қазақ журналистерінің аллеясы» деп атауды ұсынды.

Screenshot_7.png

«Шымкент Сити» шағынауданында Қазақстан Журналистер Одағы Шымкент қалалық филиалының ұйытқы болуымен 100-ге жуық көшет егілді. 

Игі шараға қаламы қарымды журналистер қауымы қатысты. Олардың қатарында Байдулла Қонысбек, Бақтияр Тайжан, Дулат Әбіш, Әсет Әссанди, Балтабек Түйетаев, Ерсұлтан Әмірбек, Тұтқабай Фазылбек т.б. БАҚ өкілдері болды.

Қазақстан Журналистер Одағы Шымкент қалалық филиалының төрағасы Уәли Қыдырдың айтуынша, бұл аллея алдағы уақытта шымкенттік журналистердің бас қосар алаңына айналмақ. 

Қаланы көріктендіруге келген қаламгерлер жаңа аллеяны «Қазақ журналистерінің аллеясы» деп атауды ұсынды.

- Таяуда Шымкент қаласының әкімі Мұрат Әйтенов өзі ағаш отырғызып, қоршаған ортаны көркейту мақсатында көшет егу челленджін жолдаған еді. Енді міне, мегаполистегі 50 шақты журналистің басын қосып, 100-ге жуық көшет отырғыздық. Бұл - біздің қаламыздың көркеюіне қосқан үлесіміз, - деді Уәли Қыдыр.

Айта кетейік, үшінші мегаполисте тұрғын үй коммуналдық шаруашылығын жаңғырту бағдарламасы аясында шаһарды көгалдандыру жұмыстары қарқынды жүргізілуде. Мамандардың  есебі бойынша қалада 6 миллионға жуық жасыл желек бар. Былтыр 2021-2025 жылдар аралығында Жасыл белдеу қалыптастырудың жоспары бекітілген. Жоспар бойынша 6,5 миллион түп ағаш егілуі тиіс. Нәтижесінде, қаладағы ағаш қоры екі есеге артады деп күтілуде.



    A+
Уақыты: 2021-04-07  Айдарша: Өңір
TAG: