Түркістан облысы, Сайрамда көптеген ұлттар тұрған соң, мұнда көптеген діндер де бар екені түсінікті. Сондықтан да, мұнда діни ахуалды сақтап, тұрақты ұстап тұрған жөн. Бұл мақсатта ауданда мектеп оқушыларына түсіндіру жұмыстарын жүйелі түрде жүргізу керек. Жүйелі түрде суғарылған көшет жайқалып өсетіні секілді, жүйелі түрде берілген білім түптің түбінде кәдеге асады. 

Осыған орай, жақында Сайрам ауданы, Қарамұрт ауыл округіне қарасты Бөкейхан атындағы мектеп оқушыларына "Ғаламтор және ақпарат" тақырыбында кездесу болып өтті. Кездесуді Облыстық Дін істері басқармасының "Дін мәселелерін зерттеу орталығының" теолог маманы И.Батыр жүргізді.

Сонымен қатар, мұндай кездесулер аудандағы өзге де мектептерде өткізілді. Атап айтсақ, аудандағы 37- ші жалпы орта мектеп оқушыларына "Ғаламтор" тақырыбында кездесу болып өтті. Кездесуді Облыстық Дін істері басқармасы "Дін мәселелерін зерттеу орталығының" теолог маманы А.Тажибаев жүргізді.

Ал, Ақбұлақ ауыл округіне қарасты Ә.Құрмантаев атындағы мектеп оқушыларына "Ғаламтор шырмауына түскен тағдыр" тақырыбында кездесу болып өтті.

Кездесуді Облыстық Дін істері басқармасының "Дін мәселелерін зерттеу орталығының" теолог маманы Ж.Битанов жүргізді. 

Бұл кездесулердің тәрбиелік мәні зор болды. Көптеген оқушылар алғаш рет мұндай ақпаратты естіп, біліп, көздері ашылғанын айтты. Алдағы уақытта мұндай тәрбиелік мәні зор кездесулер өзге де мектептерде жалғасын табатын болады.