Өңірде Сайрам мал бордақылаудан алдыңғы орындарда

Қысқаша

Ел экономикасының драйвері болуы тиіс ауыл шаруашылығы саласының ішінде – мал шаруашылығы бар. Мал шаруашылығы – ауыл шаруашылығының негізгі құрамдас бөлігі болып есептеледі. Себебі, елімізде етті тұтынатын халық көп. Еттің – этникалық қазақ халқында алар

60.jpgЕл экономикасының драйвері болуы тиіс ауыл шаруашылығы саласының ішінде – мал шаруашылығы бар. Мал шаруашылығы – ауыл шаруашылығының негізгі құрамдас бөлігі болып есептеледі. Себебі, елімізде етті тұтынатын халық көп. Еттің – этникалық қазақ халқында алар орны ерекше. Қазақ халқының ұлттық асы – «Ет» екенін ескерсек, бұл сөздің растығына көз жеткіземіз.  Сондықтан бізде мал шаруашылығын дамытқан өте мааңызды. 

Осыған орай, Түркістан облысы, Сайрам ауданында мал шаруашылығы қарқынды түрде дамып келеді. Саланы дамытуға арналған мемлекеттік бағдарламалар мен несиелік жеңілдіктерді ұтымды пайдаланып келе жатқан сайрамдық шаруалар мал бордақылау мен сүт сауу аулаларын көптеп ашып, іске қосып жатыр.  Бұл жөнінде облыс әкімінің баспасөз қызметі хабарлады. 

Жыл басынан бері ауданда 73 бірлік 10-15 бастық шағын мал бордақылау орны ашылған. Ал, аудандағы жалпы саны 913 мал бордақылау алаңында бір мезетте 32-33 мың бас мал бордақыланып жатыр.

Жалпы, өткен жылдың сәйкес кезеңімен салыстырғанда Сайрам ауданында ірі қара мал басы 25,4 пайызға, жылқы 14,3 пайызға, қой мен ешкі 19,3 пайызға артқан. Олардан 2018 жылдың басынан бері тірі салмақта 15,895 мың тонна ет, 75 мың тонна сүт және 9,479 млн.дана жұмыртқа өндірілген.

Осылайша, ауданның даму концепциясында ауыл шаруашылығы саласы бойынша 2018 жылға жоспарланған 6 жобаның 4 жобасы іске асып отыр.