Арыс тұрғыны «Еңбек» бағдарламасымен шеберхана ашты

Қысқаша

Түркістан облысы Арыс қаласының тұрғыны Нұрбек Төлбасы «Еңбек» мемлекеттік бағдарлам

2.jpg

Түркістан облысы Арыс қаласының тұрғыны Нұрбек Төлбасы «Еңбек» мемлекеттік бағдарламасы аясында шеберхана ашып, өз ісін дөңгелетіп отыр. Ол зергерлік бұйымдар жасаумен айналысатын шеберхана ашу идеясын ұсынып, бағдарлама шеңберінде 555 мың 600 теңге қаржыға қол жеткізген. Әзірге кәсіпкер інісін жұмысқа алған. Алдағы уақытта әшекей бұйым жасайтын шеберлерді жұмысқа тартып, кәсібінің ауқымын кеңейтуді жоспарлап отыр.

2-1.jpg

Шеберхана иесі қазірдің өзінде өнімге деген сұраныс жоғары екенін айтады. Тапсырыстарды әлеуметтік желілердің көмегімен қабылдап, жұмысын жүргізіп келеді.

Жалпы Нәтижелі жұмыспен қамту және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасы халықтың тұрмысын жақсартуда өз тиімділігін көрсетуде. Әсіресе, аталған бағдарламаның екінші бағыты аясында жаңа бизнес идеяларды іске асыруға арналған мемлекеттік грант алуға ниетті азаматтардың қатары күн санап артуда.

Айта кетейік, жалпы биыл Арыс қаласында аталған бағдарламаны тиімді пайдаланып, өз кәсіптерін дамыту үшін 139 грант бөлінсе, оның 80-ні игерілген.